अमेरिकाले अन्तरिक्षबाट चीन र रुसको निगरानी गर्ने, ३६ हजार टाढाको वस्तु पहिचान गर्नसक्ने राडार स्थापनाको तयारी

वासिङ्टन । अन्तरिक्षमा टाढा रहेका वस्तुहरुको निगरानी गर्न अमेरिकाले बेलायतमा एउटा ठूलो राडार प्रणाली स्थापना गर्ने योजना सार्वजनिक गरेको छ । उसले जडान गर्ने भनेको उक्त विश्वव्यापी प्रणालीले ३६ हजार किलोमिटर टाढासम्मका सम्भावित वस्तुलाई पहिचान गर्ने जनाइएको छ ।

अमेरिकी रक्षा मन्त्रालयले जडान गरिने भनिएको उक्त रडारको क्षमताले अन्तरिक्षलाई अझ बढी सुरक्षित गराउने दाबी गरेको छ । अन्तरिक्षको त्यस्तो भित्री भागमा धेरै सैन्य भूउपग्रहहरू राखिएको जनाइएको छ ।

पछिल्लो समय अन्तरिक्षमा अन्य शक्तिराष्ट्रले पनि आफ्ना गतिविधि तीव्र तुल्याएपछि अमेरिकाले उनीहरुको काम र वस्तुलाई निगरानी तुल्याउन चाहेको हो । पछिल्लो समय अन्तरिक्षमा भूउपग्रहको भीडभाड बढेको छ ।

अमेरिका र बेलायतले रुस र चीनप्रति लक्षित गर्दै ती दुई मुलुकले भूउपग्रहलाई हानि पुर्‍याउन सक्ने हतियार विकास गरिरहेको आरोप लगाएका छन्। अमेरिकाले उक्त प्रणाली अमेरिकाको टेक्सस र अस्ट्रेलियामा पनि राख्ने योजना बनाएको छ।

गतवर्ष १,००० भन्दा धेरै नयाँ भूउपग्रहहरू अन्तरिक्षमा पठाइएका थिए । तीमध्ये १० भूउपग्रह अमेरिकी सेनाका थिए। डीएआरसी भनिने उक्त प्रणालीको विकास अहिले यूएस स्पेस एण्ड मिसाइल सिस्टम्स सेन्टरमा भइरहेको छ। क्यालिफोर्नियामा रहेको उक्त केन्द्रमा रक्षामन्त्री बेन वालेस र यूकेका रक्षा प्रमुखले यसै साता भ्रमण गरेका थिए।

उनीहरूले इलोन मस्कको अन्तरिक्ष यात्रा कम्पनी स्पेसएक्ससँग समेत बैठक गरेका थिए। अमेरिकी अन्तरिक्ष बलका लेफ्टिनेन्ट कर्णेल ज्याक वालकरले अमेरिकाले त्यस्ता रडारहरू ुस्कटल्याण्ड वा थप दक्षिणतर्फु राख्नेबारे यूकेसँग छलफल गरिरहेको बताएका छन्। उनले त्यस्तो रडाल प्रणालीका लागि एक वर्गकिलोमिटरको क्षेत्रफल चाहिने बताए।