जनकपुर–जयनगर रेलवे: ट्रयाक परीक्षणका लागि भारतबाट ल्याइयो रेल, प्रतिघण्टा १२० किलोमिटरमा कुदाइने (भिडियो)
२०७८ साउन ३ गते १२:३१
जनकपुरधाम । भारतको जयनगर–जनकपुर–कुर्था रेलवे ट्रयाकको स्पिड परीक्षण र सर्टिफिकेसन गर्न भारतबाट रेल ल्याइएको छ ।
जनकपुरहुँदै रेल कुर्था पुगेको छ । रेलमा नेपाल र भारतका अधिकारीहरु सहभागी छन् । निर्माणाधीन रेलवे ट्रयाकको स्पिड परीक्षण कुर्थाबाट सुरु हुने रेल्वे विभागका इन्जिनियर विनोद ओझाले जानकारी दिए ।
जयनगरदेखि कुर्थासम्मको दूरी ३४ किलोमिटर छ । रेल १२० किलोमिटर प्रतिघण्टा स्पिडमा कुदाएर ट्रयाकको गुणस्तर परीक्षण गरिने इन्जिनियर ओझाले बताए । उनले सरकारले खरिद गरेको रेल ट्रयाक परीक्षण गर्ने खालको नभएकाले अर्को रेल भारतबाट ल्याइएको बताए ।
सरकारले १० महिनाअघि किनेको दुई सेट रेल ईनर्वा स्टेशनमा थन्काएर राखिएको छ ।
प्रकाशित: २०७८ साउन ३ गते १२:३१
प्रतिक्रिया
सम्बन्धित खवर
