पहिलो खेलमै सन्दीपले लिए दुई विकेट, होबार्ट हरिकेन्स विजयी

अष्ट्रेलिया । बिग बास लिगअन्तर्गत सन्दीप लामिछानेले शनिबार आफ्नो टीम होबार्ट हरिकेन्सको तर्फबाट पहिलो खेल खेलेका छन् । नयाँ टीमको लागि सन्दीपले दुई विकेट पनि लिए । उनको टीमले मेलबर्न स्टार्सलाई २१ रनले हरायो ।

पहिले ब्याटिङ रोजेको होबार्टले पाँच विकेटमा १६४ रन बटुलेको थियो । डाविड मलानाले सर्वाधिक ७६ रन बनाए । मेलबर्नले ९ विकेट गुमाएर १४३ रनमात्र बनाउन सक्यो । नेपाली लेग स्पिनर सन्दीपले ४ ओभरमा ३८ रन खर्चे । उनले हिल्टन कार्टराइट र बेन डन्कको विकेट लिए ।

मेलबर्न स्टार्सको तर्फबाट ग्लेन म्याक्सवेलले सर्वाधिक ७० रन बनाए ।