माधव नेपालले बोलाएको बैठकमा भीम रावल गएनन्
नेपाल प्रेस
२०७८ साउन ६ गते १६:१८
काठमाडौं । नेकपा एमाले विभाजनको संघारमा रहेका बेला वार कि पारको निर्णय गर्न माधव नेपालले बोलाएको स्थायी कमिटी बैठकमा उपाध्यक्ष भीम रावल भने अनुपस्थित भएका छन् ।
सांसद पदबाट राजीनामा दिएर एमालेका दुवै पक्षसँग असहमति राखेका रावल माधव नेपालका मुख्य सहयोगी थिए । तर, नेपालले आफ्नो आग्रह नमानी शेरबहादुर देउवालाई विश्वासको मत दिएपछि रावलले असन्तुष्ट भएर राजीनामा दिएका थिए ।
नेपाल समूहका स्थायी कमिटी सदस्यहरूको बैठकमा १० बुँदे सहमति र एमाले एकताको सन्दर्भमा के गर्ने भन्ने बारेमै केन्द्रित रहेर छलफल भइरहेको नेताहरूले बताएका छन् ।
नेपाल प्रेस
प्रकाशित: २०७८ साउन ६ गते १६:१८
प्रतिक्रिया
सम्बन्धित खवर
