एनआरएनए बेलायतको अध्यक्ष पदमा तीनजनाको उम्मेदवारी, शनिबार चुनाव हुँदै

लण्डन । एनआरएनए बेलायतको अध्यक्ष पदमा हुने चुनावमा प्रेम गाहा मगर, रोजिना प्रधान राई र दीपक श्रेष्ठबीच प्रतिस्पर्धा हुने भएको छ । ३१ जुलाईमा हुने चुनावले नयाँ नेतृत्व चयन गर्ने भएको छ ।

दुई खुल्ला उपाध्यक्षका लागि सुनिलबाबु खड्का, पवन शर्मा, तेजेन्द्र रोकामगर, गोविन्द खरेल र अमन गौचन चुनावमा उठेका छन् भने वेल्सबाट चयन हुने उपाध्यक्षका लागि रामचन्द्र पोखरेल निर्विरोध भएका छन् ।

स्कटल्याण्डबाट उपाध्यक्ष पदका लागि मोहन कार्की र छविलाल अर्याल, नर्दन आयरल्याण्डबाट नारायण कंडेल र नारायण कुंवरबीच प्रतिस्पर्धा हुने भएको छ। महिला उपाध्यक्षमा प्रसुना कंडेल, शकुन्तला गुरुङ र सरस्वती केसीबीच त्रिपक्षीय प्रतिस्पर्धा हुने भएको छ । महासचिवमा खुसी लिम्बु, जीत रानाभाट र मुकुन्द बाँस्तोलाले उम्मेदवारी दिएका छन् ।

कोषाध्यक्षमा विष्णुप्रसाद खरेल र धनसरी राई तथा सह-कोषाध्यक्षमा हेम गुरुङ र सशांक शर्मा र युथ कोअर्डिनेटरमा तीर्थबहादुर मल्ल (अनिल) र चन्दन गुरुङ, महिला संयोजकमा मनिकला राई गुरुङ र विमला लिम्बुको उम्मेदवारी रहेको छ । २७ सदस्यीय कार्य समितिमा १३ सदस्य निर्वाचित हुने छन् । त्यसका लागि २० जनाको उम्मेदवारी परेको छ ।