संघीय संसदको सम्पुर्ण कारोबार राष्ट्रिय बाणिज्य बैंक मार्फत हुने

काठमाडौं । एभरेष्ट बैंक मार्फत हुँदै आएको संघीय संसद सचिवालयको सम्पूर्ण कारोबार सरकारको पुर्ण स्वामित्वमा रहेको राष्ट्रिय वाणिज्य बैंक सुरु गरिएको छ।

संघीय संसद्को बैठकमा सांसदहरुले पटक पटक सरकारी खाता निजी बैंक मार्फत सञ्चालन गरिएको भन्दै गुनासो गर्ने गरेका थिए ।

सोही कुरालाई मध्यनजर गर्दै संघीय संसद सचिवालयले २०७७ मंसिर १८ गते सरकारी कारोबार गर्ने बैंक परिवर्तन गरी, राष्ट्रिय वाणिज्य बैंक मार्फत गर्ने व्यवस्था मिलाउन अर्थ मन्त्रालयलाई पत्राचार गरेको थियो ।

२०७७ माघ ११ को पत्रबाट आर्थिक बर्षको बिचमा खाता परिवर्तन गर्न कठिनाई हुने जनकारी अर्थमन्त्रालयले दिएको थियो ।

सभामुख, अर्थ मन्त्रालयले नेपाल राष्ट्र बैंक तथा महालेखा नियन्त्रकको कार्यालय मार्फत हालै सिंहदरबारस्थित सबै कार्यालयका सरकारी खाताहरू सरकारी स्वामित्वको राष्ट्रिय वाणिज्य बैंक मार्फत संचालन गर्न निर्देशन दिएको छ ।