क्वाड मुलुकले प्रशान्त महासागरमा युद्ध अभ्यास गर्ने, चीनलाई काउन्टर दिने तयारी

दिल्ली । क्वाड मुलुकहरु अमेरिका, भारत, जापान, अष्ट्रेलियाले प्रशान्त महासागरमा संयुक्त सैन्य अभ्यास गर्ने भएका छन् । यी चार मुलुकका नौसेनाले मालावार टापुमा सैनिक अभ्यास गर्ने अन्तर्राष्ट्रिय संचारमाध्यमले जनाएका छन् ।

अभ्यासको तयारी पुरा भएको जनाइएको छ । चीनको प्रभावलाई चुनौति दिन गठन भएको क्वाडले सैन्य अभ्यास गर्न लागेको हो । यसपटक यो अभ्यास पश्चिमी प्रशान्त महासागरमा हुँदैछ ।

सन् २०२० मा बंगालको खाडी र अरब सागरमा अभ्यास गरिएको थियो । यो अभ्यासलाई चीनविरोधी तयारीको रुपमा हेरिएको छ । पछिल्लो समय क्वाड मुलुकसँग चीनको सम्बन्ध तनावपूर्ण छ ।

१३ वर्षपछि अष्ट्रेलिया सन् २०२० को युद्ध अभ्यासमा सहभागि भएको हो । चीनलाई काउन्टर दिन क्वाड मुलुकले सैन्य गतिविधि बढाएका छन् । क्वाड मुलुकले हिन्द–प्रशान्त महासागरमा फ्री मुभमेन्टलाई समर्थन गर्दै अएका छन् ।