शनिवार नर्भिकमा यूरोसर्जनबाट निःशुल्क ओपिडी सेवा संचालन हुने

काठमाडौं । नर्भिक इन्टरनेसनल हस्पिटलमा आगामी शनिबार निःशुल्क ओपिडी अभियान संचालन हुने भएको छ । वरिष्ठ यूरो सर्जनद्वय डा. भरतबहादुर भण्डारी र डा. सुनिल श्रेष्ठले सेवा दिने भएका छन् ।

प्रोस्टेट ठूलो भएका, मिर्गौला, मूत्रथैली तथा मूत्रनलीमा पत्थरीको समस्या भएका, तथा मूत्ररोग सम्बन्धी समस्या भएकाले डा. भण्डारी र श्रेष्ठबाट फ्रि ओपिडी अभियानमा सहभागी भएर लाभ लिनसक्ने अस्पतालले जनाएको छ ।

अस्पतालले गत सातादेखि हरेक शनिवार कुनै न कुनै विशेषज्ञ चिकित्सकलाई फ्री ओपिडी सेवाका लागि प्रस्तुत गर्ने गरेको छ । आउने शनिवार डाक्टरद्वयले बिहान १० बजेदेखि मध्यान्ह १२ बजेसम्म अस्पतालमै बिरामीहरुलाई निःशुल्क ओपिडी सेवा दिनेछन् ।

प्रत्येक शनिवारको निःशुल्क ओपिडी सेवामा बस्ने विशेषज्ञ चिकित्सकहरुको विषयमा पूर्वजानकारी नर्भिक अस्पतालको वेबसाइट र फेसबुक पेजबाट गराइनेछ ।