एनआरएन बेलायतको अध्यक्षमा प्रेम गाहा मगर निर्वाचित

लन्डन । गैरआवासीय नेपाली संघ (एनआरएनए) बेलायतको अध्यक्षमा प्रेम गाहा मगर निर्वाचित भएका छन् । दीपक श्रेष्ठ र रोजिना प्रधानलाई पछि पार्दै मगरसहित उनको पूरै प्यानलले जित हासिल गरेको हो ।

मगरले ४ हजार ५ सय ७४ मत पाउँदा उनका प्रतिस्पर्धी श्रेष्ठले २ हजार १ सय ९१ र प्रधानले २ हजार १ सय ४८ मत प्राप्त गरे । बिहीबार मतपरिणाम सार्वजनिक गर्ने भनिएपनि विवादले नतिजा नेपाली समयाअनुसार शनिबार बिहान सार्वजनिक गरिएको हो । ५ दर्जन उम्मेदवार भएपनि गाहा मगरको समावेशी समूहले जित हासिल गरेको छ ।

दुई उपाध्यक्ष पदमा सुनिलबाबु खड्का र गोविन्द खरेल विजयी भएका छन् । महिला उपाध्यक्षमा शकुन्तला गुरुङ विजय भइन् । नर्दन आयरल्यान्डबाट उपाध्यक्षमा नारायण कंडेल विजयी भए । स्कटल्यान्डबाट मोहन कार्कीले जिते ।

४ हजार ५ सय ९५ मत ल्याएर विजयी भएका छन् ।

महासचिवमा खुशी लिम्बू ३ हजार ७ सय ४७ मतसहित विजयी भएका छन् । सचिवमा विष्णु चालिसे र ज्ञानेन्द्र आले तथा महिला सचिवमा नम्रता घले गुरुङ, कोषाध्यक्षमा विष्णु खरेल र सहकोषाध्यक्षमा सशांक शर्मा, युवा संयोजकमा तीर्थबहादुर (अनिल) मल्ल र महिला संयोजकमा विमला लिम्बू विजयी भएका छन् ।

कार्यसमिति सदस्यमा उपेन्द्र पौडेल, सुरेश परियार, सुमन शर्मा, पदमबहादुर शाही, इन्दिरा खनिया, हिरा ९दीपक० सापकोटा, चेतबहादुर राना, चम्पा थापा, विशाल राई, भानुभक्त घिमिरे, भिम खनाल र बालकृष्ण दाहाल विजयी भए ।