मोदीले आज राष्ट्रसंघीय सुरक्षा परिषदको अध्यक्षता गर्ने
नेपाल प्रेस
२०७८ साउन २५ गते १०:०६
दिल्ली । भारतीय प्रधानमन्त्री नरेन्द्र मोदीले आज राष्ट्रसंघीय सुरक्षा परिषद्को अध्यक्षता गर्ने भएका छन् । भारतीय विदेश मन्त्रालयका अनुसार भर्चुअल सम्मेलनको अध्यक्षता उनले गर्ने भएका हुन् ।
अगस्ट महीनाका लागि परिषद्को अध्यक्षमा भारत चुनिएपछि मोदीले अध्यक्षतामा रुचि देखाएका हुन् । नेपाली समयानुसार आज बेलुका हुने सम्मेलनमा सामुन्द्रीक सुरक्षा र त्यहाँ शान्ति कायम गर्नेबारे छलफल हुने जनाइएको छ ।
मोदी सुरक्षा परिषद्को अध्यक्षता गर्ने पहिलो भारतीय प्रधानमन्त्री बन्नेछन् । भारतले आफ्नो अध्यक्षताको कार्यकालमा सामुन्द्रीक सुरक्षा, शान्ति सेनामा सहभागिता र प्रतिआतंकवादजस्ता मुद्दामा छलफल चलाउने भएको छ ।
नेपाल प्रेस
प्रकाशित: २०७८ साउन २५ गते १०:०६
प्रतिक्रिया
सम्बन्धित खवर
