‘साहो’ भिलेन फिल्म सुटिङलाई काठमाडौंमा, निषेधाज्ञाको बाबजुद फिल्म छायांकन हुँदै

काठमाडौं । प्रभास स्टारर दक्षिण भारतीय फिल्म ‘साहो’मा खलपात्रको भूमिका चित्रण गरेका अभिनेता कनिज कोइराला नेपाली फिल्म अभिनयका लागि काठमाडौं आइपुगेका छन् ।

अहिले छायांकन भैरहेको फिल्म ‘आँधी तुफान–२’ मा उनी ज्वाइन भएका छन् । मदन घिमिरेले निर्देशन गरिरहेको यो फिल्ममा पनि उनी खलपात्रको भूमिकामा रहेको बताइएको छ ।

निर्देशक घिमिरेका अनुसार गतसाता मद्रासबाट उनी काठमाडौं आइपुगेका हुन् । ‘आँधी तुफान २’ उनको डेब्यु नेपाली फिल्म हो । मोडलिङबाट अभिनय करिअर सुरु गरेका कनिजले थुप्रै मद्रासी फिल्ममा समेत अभिनय गरेका छन् ।

२०६३ सालमा निर्माण भएको आँधी तुफानकै सिक्वेलको रुपमा यो फिल्म सुटिङ भैरहेको हो । आरती आचार्य, याङ्सु शेर्पा, रवि गिरी, ध्रुव कोइराला लगायतको मुख्य भूमिका छ ।

सरकारले आधिकारिकरुपमा फिल्म छायांकनको अनुमति नदिएपनि अहिले केही कास्ट एन्ड क्रिउको उपस्थितीमा फिल्म सुट भैरहेको छ । फिल्म छायांकनलाई अहिले चलचित्र विकास बोर्डले सहजीकरण गरिरहेको छ ।