मंगलबार ३२ सय संक्रमित थपिए, २७ जनाको मृत्यु

काठमाडौं । पछिल्लो २४ घण्टामा मंगलबार मुलुकमा ३२ सय ७४ जना  कारोनाभाइरस संक्रमित थपिएका छन् । स्वास्थ्य तथा जनसंख्या मन्त्रालयका अनुसार १७ हजार ६८९ जनाको नमूना (पीसीआर ११५६५ र एन्टीजेन ६१२४) परीक्षण गर्दा ती संक्रमित थपिएका हुन् ।

सोही अवधिमा २७ जनाको मृत्यु भएको छ भने १९ सय २९ जना संक्रमुक्त भएका छन् ।

मन्त्रालयका अनुसार गत २४ घण्टामा कोरोनाविरुद्धको खोप १ लाख ४४ हजार ५२८ जनाले लगाएका छन् ।

अहिलेसम्म कूल ७ लाख ३७ हजार २९४ जना कोरोना संक्रमित रहेका छन् भने १० हजार ३५४ जनाले ज्यान गुमाइसकेका छन् ।
हालसम्म ३९ हजार ८७१ जना सक्रिय संक्रमित रहेको तथ्यांकमा उल्ल्लेख छ ।