पत्नी हत्याको आरोप लागेका काँग्रेस सांसद थरुरलाई अदालतद्वारा सफाइ

दिल्ली । सुनन्दा पुष्करको मृत्युको मामिलामा भारतीय कांग्रेस सांसद शशी थरुरलाई ठूलो राहत मिलेको छ । दिल्लीस्थित राउज एवेन्यू कोर्टले बुधबार थरुरलाई घटनामा सफाइ दिएको छ । सन् २०१४ मा दिल्लीस्थित एक होटलमा सुनन्दाको शव भेटिएको थियो ।

पुष्करको मृत्युपछि थरुरमाथि मानसिक उत्पीडत दिलाउने र आत्महत्या गर्न उक्साउने आरोप लागेको थियो । बुधबार अदालतको फैसला आएलगत्तै थरुरले अदालतलाई धन्यवाद दिएका छन् । उनले भने, ‘मैले पछिल्लो सातवर्ष पीडा र यातना झेलिरहेको थिएँ ।’

विशेष न्यायाधीश गिताञ्जली गोयलले फैसला सुनाउँदै मुद्दारलाई रद्द गरिएको बताइन् । सुनन्दा पुष्करकी साथी तथा वरिष्ठ पत्रकार नलिनी सिंहले थरुरको सम्बन्ध पाकिस्तानी पत्रकार मेहर तरारसँग जोडिएको दावी गरेकी थिइन् ।