कट्रिना क्याफ् र विक्की कौशलबीच इन्गेजमेन्ट भएकै हो ?
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/08/katrina_vikky.jpg)
मुम्बई। मायानगरीमा एउटाको नाम अर्कोसँग जोडिनू नौलो कुरा रहेन । तर, कहिलेकाहिँ गसिपहरुले केही कुरा पाक्दै गरेको संकेत पनि गर्छन् । यस्तोमा बलिउडमा पछिल्लो दिनमा कट्रिना क्याफ र विक्की कौशल गसिपका पात्र बनिरहेका छन् ।
बलिउड अभिनेत्री कट्रिना क्याफ्को नाम पछिल्लो केही दिनदेखि को–स्टार विक्की कौशलसँग जोडिएको छ । एक इन्टरभ्यूमा उनीहरुले आफ्नो सम्बन्धको बारेमा बताएका थिए । आफूहरु राम्रो साथी रहेको र एकअर्कालाई सहयोग गर्ने कुरा पनि कट्रिना र विक्कीले बताएका थिए । हल्ला गर्नेहरुलाई यो भन्दा अरु के चाहियो ? त्यसलगत्तै यी दुईले गोप्यरुपमा इन्गजेमन्ट गरेको हल्ला अहिले बलिउडमा आगोजसरी फैलिएको छ । यो समाचार भाइरल बनेको छ ।
हल्ला यतिसम्म फैलियो कि कतिपयले यो कुरामा विश्वास पनि गरे । तर, यसबारे कट्रिनाले भने हल्ला भएको र आफूहरुले इन्गेजमेन्ट नगरेको बताएकी छिन् । केहिदिन अघि कट्रिनाले आफू ‘टाइगर ३’ को छायांकनको लागि सेटमा जाने तयारी गरिरहेको बताएकी थिइन् । उनले खबरहरुको खण्डन गरेकी छिन् । विक्की र कट्रिनाको ईन्गेजमेन्ट गरेको तस्बिर पोष्ट गरिएको केही समय पछि हटाइएको दैनिक भास्करले जनाएको छ ।
यसअघि पनि कट्रिना र विक्कीको नाम अन्य कलाकारसँग पनि जोडिएको छ । कट्रिना यसअघि रणवीर कपुर, सलमान खान लगायतसँग पनि रिलेसनसिपमा थिइन् ।