दुईदिनमै चीनबाट आइपुग्यो १६ लाख डोज भेरोसेल खोप

काठमाडौं । बुधबार र बिहीबार गरि चीनबाट १६ लाख डोज भेरोसेल खोप आइपुगेको छ। नेपालले साइनोफार्म कम्पनीसँग खरिद गरेको ६० लाख डोजमध्ये पछिल्ला दुई दिनमा १६ लाख मात्रा खोप आइपुगेको हो ।

स्वास्थ्य सेवा विभागका अनुसार थप ४४ लाख डोज खोप अगस्ट महीनाको अन्तिम सातासम्म आइपुग्ने भएको छ । नेपालले चीनसँग यसअघि ४० लाख डोज भेरोसेल खोप खरीद गरेको थियो । यस्तै, जापानले कोभ्याक्स संयन्त्रमार्फत उपलब्ध गराएको १६ लाख डोज खोपमध्ये बाँकि ७ लाख डोज भदौ ५ र ७ गते आउने भएको छ।

नेपालमा कोभिसिल्ड २४ लाख ४८ हजार कोभिसिल्ड, ५८ लाख डोज भेरोसेल, १६लाख डोज जोन्सन एन्ड जोन्सन, १० लाख ७७ हजार ३२० एस्ट्राजेनेका गरी १ करोड ८ आठ लाख ६० हजार १७० डोज खोप आइसकेको छ।