चेल्सीका पुलिसिकलाई कोरोना संक्रमण पुष्टि, आर्सनलविरुद्धको खेल गुमाउने
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/08/Pulisic.jpg)
काठमाडौं । चेल्सीका अमेरिकी फरवार्ड क्रिस्टियन पुलिसिकलाई कोरोना संक्रमण पुष्टि भएको छ । कोरोना भाइरस परीक्षणको नतिजा पोजिटिभ आएसँगै उनले आइतबार हुने लन्डन डर्बी- आर्सनलविरुद्धको खेल गुमाउने निश्चित भएको छ ।
अमेरिकी स्टार पुलिसिकले यो हप्ता ट्रेनिङ नगरेको र सेल्फ आइसोलेसनमा बसेको चेल्सीका मुख्य प्रशिक्षक थोमस टुकेलले पुष्टि गरेका छन् ।
‘उनले ट्रेनिङ पनि गरका छैनन् र आगामी खेलका लागि उपलब्ध हुने छैनन्,’ टुकेलले भनेका छन् ।
पुलिसिकले इन्स्टाग्राममा आफूले भ्याक्सिनको पूरा डोज लगाइसकेको र कुनै लक्षण नदेखिएको बताएका छन् । पुलिसिकले गत साता भएको क्रिस्टल प्यालेसविरुद्धको खेलमा एक गोल गरेका थिए । उक्त खेलमा चेल्सी ३-० ले विजयी भएको थियो ।
इङ्लिस प्रिमियर लिगमा जारी सिजनको पहिलो खेलमा अनुपस्थित हाकिम जिएच र एन्गोलो कान्टै दुबै चेल्सीको अभ्यासमा फर्किएका छन् ।