आइतबारदेखि अवरुद्ध सिद्धार्थ राजमार्ग अझै सन्चालनमा आएन

रुपन्देही । दर्जनबढी स्थानमा पहिराे खसेपछि आइतबारदेखि अवरुद्ध सिद्धार्थ राजमार्ग अन्तरगतको बुटवल पाल्पा सडकखण्ड अवरुद्ध अहिलेसम्म खुल्नसकेको छैन ।

एक दर्जन स्थानमा पहिरो खसेकोले अवरुद्ध सडकका धेरैजसो स्थानका पहिरो फालेपनि अझै ३ स्थानको पहिरो हटाउन नसक्दा सडक खुल्न नसकेको जिल्ला ट्राफिक प्रहरी कार्यालय पाल्पाले जनाएको छ ।

बुटवल पाल्पा सडक खण्डको गौडेपुल, डुम्रेमा पहिरो खसिरहेको ट्राफिक प्रहरी कार्यालयले जनाएको छ । पहिरो अझै नरोकिएकोले पहिरो पन्छाउन गाह्रो भएपनि आज दिउसोसम्म एकतर्फी सञ्चालन गर्न सकिने प्रहरीले जनाएको छ । सडक अवरुद्ध हुँदा सैयौँ यात्रु तथा सवारीसाधनहरु अलपत्र बनेका छन् ।