रंगशालामा फुटबलप्रेमीको चहलपहल (तस्बिरहरू)

काठमाडौं । नेपाली राष्ट्रिय फुटबल टोलीले करिब ६ वर्षपछि भारतविरुद्ध दशरथ रंगशालामा आज मैत्रीपूर्ण खेल खेल्दैछ । र, स्वास्थ्य मन्त्रालयले जारी गरेको मापदण्ड पालाना गर्दै ५ हजार १ सय दर्शकलाई रंगशालामा अनुमति दिएको छ ।

यद्यपि, कोरोना भाइरस परीक्षणको नेगेटिभ रिपोर्ट वा डबल डोज भ्याक्सिनेटेड सर्टिफिकेट अनिवार्य गरिएको छ । त्यति हुँदा हुँदै पनि त्रिपुरेश्वरमा दर्शक तथा फुटबलप्रेमीको चहलपहल बढेको छ ।

नेपाल र भारतबीचको प्रतिद्वन्द्वीताका कारण पनि कोरोना भाइरसको महामारीकै माझमै पनि दर्शकको चहल पहल देखिएको छ । नेपालले पछिल्लोपटक सन् २०१७ मा मुम्बईमा भारतविरुद्ध खेलेको थियो ।

अक्टोबरमा माल्दिभ्समा हुने साफ च्याम्प्यिनसिपको तयारीमा रहेका दुवै टोली आजको खेलमा जितका लागि खेल्ने छन् ।

तस्बिरहरू : उमेश कार्की ।