अटोमेटिक पेस्तोलसहित दाङबाट समातिए रोल्पाली युवा

रुपन्देही । अवैध हातहतियार बोकी सर्वसाधारणलाई त्रसित पार्ने रोल्पाका एक युवकलाई दाङ प्रहरीले एक राउण्ड गोली लोड गरिराखेको अटोमेटिक पेस्तोलसहित पक्राउ गरेको छ ।

रोल्पा रुन्टिगढी गाउँपालिका वडानम्बर ९ सखी घर भई दाङको घोराही उपमहानगरपालिका–१३ बडहरा बस्ने २५ वर्षीय इन्द्रकमल बुढामगरलाई प्रहरीले पक्राउ गरेको हो ।

रा ५ प ८७६२ नम्वरको स्कुटरको डिकीमा रातो प्लाष्टिकभित्र लुकाईछिपाई राखेको अवस्थामा प्रहरीले गोप्य सूचनाका आधारमा बुढालाई पक्राउ गरेको जिप्रका दाङका प्रमुख सुरेन्द्रप्रसाद काफ्लेले जानकारी दिए ।

प्रहरी नायव उपरीक्षक मुकुन्दप्रसाद रिजालको कमाण्डमा खटिएको टोलीले उनलाई पक्राउ गरेको थियो । उनी यसअघि ज्यान मार्ने उद्योगमा साढे दुई वर्ष कैद सजाय पाएको व्यक्ति भएको प्रहरीको भनाइ छ ।