पहिलो जापानी महिला प्रधानमन्त्रीको रुपमा ताखाइचीद्वारा उम्मेदवारी घोषणा, सेप्टेम्बर २९ मा हुँदैछ निर्वाचन

टोकियो । जापानको पहिलो महिला प्रधानमन्त्रीको रुपमा पूर्वसंचारमन्त्री सानाए ताखाइचीले आज उम्मेदवारी घोषणा गरेकी छिन् । सत्तारुढ लिबरल डेमोक्रेटिक दलको नेतृत्वको दौडमा सानाएको उम्मेदवारी आउने घोषणा भएको क्योदो न्यूज एजेन्सीले जनाएको छ ।

टोकियोमा पत्रकार सम्मेलनको आयोजना गरि ताखाइचीले सेप्टेम्बर २९ मा हुने निर्वाचनमा उनले नेतृत्वका लागि उम्मेदवारी दिने घोषणा गरेकी हुन् ।

निबर्तमान प्रधानमन्त्री सिन्जो आबेको समर्थन पाएकी उनी नेतृत्वका लागि उम्मेदवारी घोषणा गर्ने पहिलो महिला हुन् । लिबरल डेमोक्र्याटिक पार्टीको नेतृत्वका लागि उम्मेदवारी दिने भन्दै उनले कार्यबाहक महासचिव नोदा सेइसँग छलफल गरिरहेपनि औपचारिक घोषणा भने गरेकी छैनन् ।

उम्मेदवारी घोषणा गर्दै ताखाइचीले मौद्रिक सहजता, संकट र अत्यावश्यक परिस्थितीको व्यवस्थापनमा सुरक्षित लगानी, प्रतिरक्षा क्षमतामा वृद्धि र विपद् व्यवस्थापनमा आफू केन्द्रित हुने उनले बताएकी छिन् । कोभिड–१९ लकडाउनबारे आवश्यक कानून बनाउने बारेपनि आफू केन्द्रित हुने उनको भनाई छ ।

पार्टीका अर्का प्रभावशाली नेता किसिदा फुमिओले पनि नेतृत्वका लागिउम्मेदवारी दिने घोषणा गरिसकेका छन् । पूर्वमहासचिव इसिबा शिगेरुले पनि उम्मेदवारी दिनेबारे छलफल चलाएका छन् तर उनको उम्मेदवारीलाई लिएर टुगो छैन ।

लिबरल डेमोक्र्याटिक पार्टीको नेतृत्वमा आउने चाहना जनाएका पाँचमध्ये अहिलेसम्म २ जनाले मात्रै औपचारिक घोषणा गरेका छन् । नेतृत्वका लागि उम्मेदवारी घोषणा गरेपनि दर्ता गर्न भने २० जना सांसदको समर्थन अनिवार्य हुन्छ ।

वर्तमान मन्त्रिपरिषद्का मन्त्री कोउनो तारोउ पनि नेतृत्वको दौडमा छन् तर पार्टीभित्र विभिन्न गुटसँग छलफल चलिरहेकाले औपचारिक घोषणा गरेका छैनन् । संसदको ठूलो दल भएकाले लिबरल डेमोक्र्याटिक पार्टीको नेतृत्व नै जापानको प्रधानमन्त्री हुने भएकाले यो चुनावलाई चासोसँग हेरिएको छ ।