शुक्रबार कोभिड संक्रमणबाट २१ जनाको मृत्यु, ११ सय संक्रमित थपिए
नेपाल प्रेस
२०७८ भदौ २५ गते १६:३६
काठमाडौं । पछिल्लो २४ घण्टामा शुक्रबार मुलुकमा ११ सय ४६ जना कोरोनाभाइरस संक्रमित थपिएका छन् । १० हजार ९१६ वटा नमूना (पीसीआर ८,५४९ र एन्टीजेन २,३६७) परीक्षण गर्दा संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार सोही अवधिमा २१ जनाको मृत्यु भएको छ भने १६ सय ६० जना डिस्चार्ज भएका छन् ।
गत २४ घण्टामा २९ हजार १८९ जनाले कोभिड–१९ विरुद्धको खोप लगाएका छन् ।
हालसम्म मुलुकमा २७ हजार ९५८ जना सक्रिय संक्रमित रहेको मन्त्रालयले जनाएको छ ।
नेपालमा कूल ७ लाख भन्दा बढी कोरोनाभाइरस संक्रमित छन् भने १० हजार ९२४ जनाले ज्यान गुमाएका छन् ।
अहिलेसम्म आईसीयूमा ४५८ जना, भेन्टिलेटरमा १४५ जना, होम आइसोलेशनमा २६,२९६ जना, संस्थागत आइसोलेशनमा १,६६२ र क्वारेन्टाइनमा २५२ जना रहेको तथ्यांकमा उल्लेख छ ।
मन्त्रालयको अनुसार नेपालमा कोरोनाभाइरसको संक्रमणदर १०.४ प्रतिशत छ भने मृत्युदर १.५ प्रतिशत छ ।
नेपाल प्रेस
प्रकाशित: २०७८ भदौ २५ गते १६:३६
प्रतिक्रिया
सम्बन्धित खवर
