सामसुङ ग्यालेक्सी एस २१ सिरिज जनवरी दोस्रो साता सार्वजनिक हुँदै

काठमाडौं। कोरियन स्मार्टफोन निर्माता कम्पनी सामसुङले नयाँ स्मार्टफोन ‘ग्यालेक्सी एस२१’ सिरिज जनवरी १४ मा सार्वजनिक गर्ने भएको छ। कम्पनी आफैँले अर्को सालको सुरुआतमै हुने ‘सिइएस २०२१ इभेन्ट’को अन्तिम दिन सार्वजनिक गर्ने घोषणा गरेको हो।

सामसुङको बहुप्रतिक्षित यो सिरिजमा तीन वटा मोडेल्स- सामसुङ ग्यालेक्सी एस २१, ग्यालेक्सी एस २१  प्लस र ग्यालेक्सी एस२१ अल्ट्रा सार्वजनिक हुनेछन्।

भारतीय बजारमा बिक्री हुने फोनहरूमा रिपोर्टअनुसार एस२१ सिरिजमा एग्जिनस २१०० प्रोसेसर दिइनेछ। त्यस्तै अन्य मार्केटमा यो फोनमा क्लालकम स्नापड्रागन ८८८ प्रोसेसर दिइने छ। एस२१ चार कलर भेरियन्ट- ग्रे, पिंक, पर्पल र ह्वाइटमा उपलब्ध हुनेछ।

यसमा ट्रिपल क्यामेरा सेटअप समावेश हुन सक्नेछ। यसमा ६४ जिबी मेगापिक्सेको टेलिफोटो लेन्स, १२ मेगापिक्सेलको प्राइमरी सेन्सर र १२ मेगापिक्सेलको अल्ट्रावाइड लेन्स दिइनेछ।

त्यस्तै एस२१ प्लसको डिजाइन इनफिनिटी डिस्प्लेमा गरिएको छ। एस २१ प्लस पनि चार कलर भेरियन्ट- पिंक, पर्पल, सिल्भर र ब्ल्याकमा उपलब्ध हुनेछ।

ग्यालेक्सी एस२१ जस्तै यसमा पनि ट्रिपल रिअर क्यामेरा सेटअप समावेश हुनेछ। जसको सेन्सर ६४, १२ र १२ मेगापिक्सेल हुन सक्नेछ। यो फोनमा १२८ जिबी र २५६ जिबी स्टोरेजको विकल्प पनि उपलब्ध हुन सक्नेछ।

एस २१ अल्ट्रा भने दुई कलर- सिल्भर र ब्ल्याकमा आउनेछ। यसमा क्वाड रिअर क्यामेरा सेटअप पाइने सम्भावना छ। जसमा १०८ मेगापिक्सेलको प्राइमरी सेन्सर, १२ मेगापिक्सेलको अल्ट्रावाइड र दुई टेलिफोट लेन्स हुन सक्नेछन्। यी लेन्समा १०x अप्टिकल जुम र ३x जुम फिचरको साथमा उपलब्ध हुनेछन्। यो फोनमा १२८, २५६ र ५१२ जिबी स्टोरेजको विकल्प छनोट गर्न सकिनेछ।